Ekki beint vegan …

Ég held að allt sem ég hef sett hér inn það sem af er janúar hafi verið vegan – eða auðvelt að gera vegan að minnsta kosti – en ég sagði nú um áramótin, minnir mig, að það væri nú ekki víst að alveg allt yrði af því taginu. Sem verður líka raunin, til dæmis í þessari uppskrift hér. En þetta er ekki hefðbundin útgáfa, langt frá því, og hollustan gleymist kannski ekki alveg …

Allir kannast við amerískar pönnukökur – sem eru reyndar lummur – með beikoni og vita að þær eru venjulega bornar fram með hlynsírópi og gjarna steiktum eggjum, kartöflum og fleiru. Hér er farið í aðra átt og avókadó og kryddjurtaolía haft með – en beikonið má auðvitað ekki vanta.

_MG_5120

Beikonið, já. Ég notaði þykkt skorið, magurt lúxusbeikon, 250 grömm. Það má auðvitað nota öðruvísi beikon ef því er að skipta en þetta er örugglega næstum því hollt. En ég byrjaði á að hita ofninn í  200°C. Raðaði beikonsneiðunum á pappírsklædda bökunarplötu og bakaði þær í um 15 mínútur, eða þar til þær voru orðnar stökkar; sneri þeim einu sinni.

Á meðan tók ég tvö lítil, vel þroskuð avókadó, afhýddi þau, steinhreinsaði og skar þau í  báta. Kreisti safann úr einni sítrónu í skál og velti avókdadóbátunum upp úr blöndunni.

_MG_5136

Ég gerði líka kryddjurtasósu: tók lófafylli af basilíkublöðum, lófafylli af saxaðri steinselju, svona sex valhnetukjarna, 1-2 hvítlauksgeira og rifinn börk af hálfri sítrónu, pipar og salt, setti í matvinnsluvél (eða blandara) og maukaði vel saman. Þeytti svo 75 ml af  ólífuolíu saman við smátt og smátt.

 

_MG_5121

 

Þá var komið að pönnukökunum: Ég blandaði saman 175 g af hveiti, 1 tsk af lyftidufti, 1/2  tsk af matarsóda og 1/2 tsk af salti og hrærði svo lyftiefnum og salti og hrærði svo tveimur eggjarauðum og 300 ml af ab-mjólk saman við. Ég setti allt saman í matvinnsluvél en það má líka nota hrærivél eða handþeytara. Lét blönduna svo standa smástund.

_MG_5130

Svo tók ég eggjahvíturnar tvær, stífþeytti þær og blandaði þeim gætilega saman við með sleikju.

_MG_5134

Bræddi svo dálítið smjör á pönnu og steikti 3-4 lummur í einu við meðalhita.

_MG_5138

Hélt þeim volgum á meðan ég lauk við að steikja úr allri soppunni.

_MG_5273

Svo staflaði ég lummunum/pönnukökunum á diska (3-5 í hverjum stafla) og setti beikonsneiðar, avókadóbáta og dálitla steinselju á milli. Dreypti kryddjurtaolíu yfir.

_MG_5190

Einnig má bera þetta fram hvert í sínu lagi svo að hver skammti sér sjálfur. – Hér er reyndar önnur útgáfa, þar sem ég bætti við muldum fetaosti; það var ágætt líka.

*

Amerískar pönnukökur með beikoni

175 g hveiti

1 tsk lyftiduft

1/2 tsk matarsódi

1/2 tsk salt

2 egg, aðskilin

300 ml ab-mjólk eða súrmjólk

smjör til steikingar

*

250 g magurt beikon, helst þykkt skorið

2 lítil avókadó, vel þroskuð

1 sítróna

steinselja

*

Kryddjurtaolía

lófafylli af basilíku

lófafylli af saxaðri steinselju

6 valhnetukjarnar

1-2 hvítlauksgeirar

rifinn börkur af 1/2 sítrónu

pipar og salt

75 ml ólífuolía

Auglýsingar

One comment

Færðu inn athugasemd

Skráðu umbeðnar upplýsingar að neðan eða smelltu á smámynd til að skrá þig inn:

WordPress.com Logo

You are commenting using your WordPress.com account. Log Out /  Breyta )

Google+ photo

You are commenting using your Google+ account. Log Out /  Breyta )

Twitter picture

You are commenting using your Twitter account. Log Out /  Breyta )

Facebook photo

You are commenting using your Facebook account. Log Out /  Breyta )

Tengist við %s