Spaghettíkúrbítur um hátíðarnar?

Sko, ég veit satt að segja ekki hvort spaghettíkúrbítur (spaghetti squash) fæst akkúrat núna; en hann er stundum til og ég á til þessa uppskrift, sem ég gerði um þetta leyti í fyrra, þegar ég setti saman eitthvað um grænmetisrétti sem hentuðu vel um hátíðarnar fyrir MAN. Svo að ég set hann hér ef spaghettíkúrbítur skyldi nú fást einhvers staðar eða verður til á næstunni.

_MG_7725

Þetta er skemmtilegt grænmeti sem fæst sem sagt stundum og hentar ágætlegl í marga grænmetisrétti. Nafnið kemur af því að þegar búið er að baka hann losnar aldinkjötið sundur í þræði sem minna á spaghettí. Bragðið er auðvitað ólíkt en þetta er spennandi hráefni sem gaman er að vinna með. Og hér er semsagt ein útgáfa, sem er alveg hægt að gera dálítið sparilega. Jafnvel jólalega. Ég var með einn svona, sem er um það bil passlegt fyrir tvo sem aðalréttur (hann er samt það stór að maður gæti haldið að það yrði meira úr honum).

_MG_7726

Ég byrjaði á að kveikja á ofninum og hita hann í 180°C. Svo tók ég spaghettíkúrbítinn og skar hann í tvennt …

_MG_7728

… og skóf fræin úr helmingunum (ekkert með allt of miklu offorsi). Penslaði svo skurðflötinn með 1 msk af olíu og kryddaði með pipar og salti.

_MG_7729 (1)

Svo tók ég ofnskúffu, klæddi hana með bökunarpappir (til að spara mér þrif), setti grind ofan á, lagði helmingana á grindina með skurðflötinn niður og bakaði þá í um 45 mínútur.

Á meðan tók ég eitt granatepli og losaði fræin úr þvi – mér finnst best að skera það í tvennt (eða öllu heldur, skera hring um eplið, bara gegnum hýðið, og rífa svo helmingana í sundur, þannig fer enginn safi til spillis), halda svo helmingunum á hvolfi yfir skál og berja í þá t.d. með bakkanum á þungum hníf svo að fræin hrynji úr. Ég á mynd af þessu en finn hana ekki …

Svo grófmuldi ég 50 g af valhnetum og grófsaxaði 30 g af pistasíum og blandaði þessu saman við granateplafræin, 30 g af þurrkuðum trönuberjum og lófafylli af saxaðri steinselju í skál. Ég hristi (eða hrærði) svo saman 2 msk af ólífuolíu, 1/4 tsk af kóríanderdufti, cayennepipar á hnífsoddi, pipar og salti og blandaði þessu saman við hnetublönduna.

 

_MG_7746

Nú var spaghettíkúrbíturinn orðinn meyr og ég tók helmingana út og setti þá á disk. Tók svo gaffal og dró hann fram og aftur um aldinkjötið í spaghettíkúrbítunum til að losa um þræðina. Gætti þess þó að gera ekki göt á hýðið.

_MG_7749

Síðan blandaði ég „spaghettíinu“ vel saman við hnetublönduna …

Spaghettíkúrbítur2

… og setti svo allt saman aftur yfir í hýðishelmingana og bar réttinn fram í þeim.

Spaghettíkúrbítur6

Ég bar þetta fram á klettasalati og raðaði nokkrum hindberjum í hring til að gera þetta nú jólalegra. En það er ekkert nauðsynlegt.

*

Fylltur spaghettíkúrbítur

1 spaghettíkúrbítur

1 msk olía

pipar og salt

1 granatepli

50 g valhnetur, grófmuldar

30 g pistasíuhnetur, saxaðar

30 g þurrkuð trönuber

lófafylli af steinselju, saxaðri

2 msk ólífuolía

1/4 tsk kóríanderduft

cayennepipar á hnífsoddi

pipar og salt

 

Auglýsingar

Færðu inn athugasemd

Skráðu umbeðnar upplýsingar að neðan eða smelltu á smámynd til að skrá þig inn:

WordPress.com Logo

You are commenting using your WordPress.com account. Log Out /  Breyta )

Google+ photo

You are commenting using your Google+ account. Log Out /  Breyta )

Twitter picture

You are commenting using your Twitter account. Log Out /  Breyta )

Facebook photo

You are commenting using your Facebook account. Log Out /  Breyta )

w

Tengist við %s