Skot í myrkri

Ég var á bókamessunni í Hörpu um helgina og þá finnst mér nú alltaf að jólavertíðin sé fyrst komin í gang í bókaútgáfunni. Það er alltaf gaman, alltaf fullt af áhugaverðum bókum og á bókamessuna mætir fult af áhugasömu fólki sem gaman er að tala við. Ég var í dag að kynna bókina mína, Beint í ofninn, og var með smakk úr henni.

Veðrið var ansi fallegt í dag en það var líka kalt og þá er eiginlega kominn tími fyrir heitan súkkulaðidrykk. Þessi hér var gerður fyrir áramótablað MAN í fyrra og er dálítið áfengur en það má líka sleppa líkjörnum. Ég gerði lítil skot og þetta urðu um 20 smáglös en það má líka bera þetta fram í bollum og þá í stærri skömmtum – já, og t.d. minnka uppskriftina um helming og þá gæti þetta passað í tvo bolla eða könur.

Það má bera drykkinn fram heitan en líka við stofuhita. Ég hafði karamellusósu út á en í staðinn mætti bara strá t.d. rifnu súkkulaði yfir rjómann.

2017-11-12 10.49.32

Ég byrjaði á að gera karamellusósuna: Setti 100 ml af púðursykri, 75 ml af mjólk, 50 ml af rjóma og 60 g af smjöri í lítinn pott, hitaði að suðu og hrærði þar til allt var bráðið og samlagað. Lét þetta sjóða í um 2 mínútur. Tók svo pottinn af hitanum og lét sósuna kólna (hún var ljósari en hún sýnist á myndinni).

IMG_4005

Svo lagaði ég svona hálfan lítra af vel sterku kaffi. Brauð 100 g af 70% súkkulaði í bita, setti þá í skál eða könnu ásamt 4 msk af púðursykri (eða eftir smekk), hellti sjóðheitu kaffinu yfir og hrærði þar til súkkulaðið var bráðið og sykurinn leystur upp.

IMG_4012

Svo hrærði ég 150 ml af kaffilíkjör (mætti líka vera t.d. súkkulaðilíkjör) saman við og síðan 100 ml af rjóma.

IMG_4013

Svo náði ég í lítil glös og hellti kaffiblöndunni í þau en skildi eftir um 2 cm borð á hverju glasi.

IMG_4017

Stífþeytti svo um 200 ml af rjóma, setti kúfaða teskeið af þeyttum rjóma ofan á …

IMG_4021

… og hellti svo dálítilli karamellusósu yfir rjómann.

Súkkulaði-karamelluskot (6)

Mokkasúkkulaðiskot með karamellusósu

1/2 l vel sterkt kaffi

100 g súkkulaði, 70%

4 msk púðursykur, eða eftir smekk

150 ml kaffilíkjör (eða súkkulaðilíkjör)

300 ml rjómi

 

Karamellusósa:

100 ml púðursykur

75 ml mjólk

50 ml rjómi

60 g smjör

Auglýsingar

Færðu inn athugasemd

Skráðu umbeðnar upplýsingar að neðan eða smelltu á smámynd til að skrá þig inn:

WordPress.com Logo

You are commenting using your WordPress.com account. Log Out /  Breyta )

Google+ photo

You are commenting using your Google+ account. Log Out /  Breyta )

Twitter picture

You are commenting using your Twitter account. Log Out /  Breyta )

Facebook photo

You are commenting using your Facebook account. Log Out /  Breyta )

Tengist við %s