Fyrir Royalista

Ég ætlaði að geyma þessa uppskrift þangað til sumarið kæmi því að þetta er sko sumarterta. En það kemur bara ekki. Svo að það er líklega alveg eins gott að vera ekkert að geyma uppskriftina. Hver veit, kannski kallar hún fram sumarið …

Hún er ekkert sykurlaus, þessi terta. En ekkert dísæt heldur, þetta er engin marensterta með allskonar nammi og karamellusósu og öllu þessu sem flestum þykir svo gott en mér ekki. Ég er meira fyrir fersk ber.

En trikkið við þessa er sko Royal-búðingsduft. Ég nota dálítið búðingsduft bæði í jarðarberja- og súkkulaðilagið. Það má sleppa því en þá verður rjóminn mun linari og erfiðara að skera tertuna. Og svo gefur það svo gott nostalgíubragð fyrir okkur Royal-aðdáendur.

Ég byrjaði á að baka ósköp hefðbundna tertubotna – eða botn, því að ég bakaði einn en klauf hann svo í sundur; það má líka baka þetta í tveimur formum. Allavega, ég hitaði ofninn í 190°C. Smurðu meðalstórt smelluform, klippti út hring úr bökunarpappír og setti á botninn. Svo tók ég fjögur egg og braut þau í hrærivélarskálina, bætti við 125 g af sykri og 1 tsk af vanilluessens og þeytti þetta mjög vel saman. Svo vigtaði ég 160 g af hveiti og 40 g af kartöflumjöli, sigtaði þetta yfir eggjahræruna ásamt 1 tsk af lyftidufti, blandaði því gætilega saman við með sleikju, setti deigið strax í formið og bakaði í um 20 mínútur.  Ég lét botninn kólna á grind og klauf hann svo sundur í tvo botna.

_MG_0181

Þá var það fyllingin: Ég byrjaði á að taka 200 g af frosnum jarðarberjum, lét þau hálfþiðna og maukaði þau svo. Þeytti 400 ml af rjóma og þeytti 6 msk af Royal búðingsdufti saman við (jarðarberja- eða vanillu-).

_MG_0183

Svo blandaði ég berjamaukinu saman við með sleikju (eða með því að láta hrærivélina ganga á minnsta hraða).

_MG_0190 (1)

Ég smurði svo jarðarberjarjómanum á neðri kökubotninn, dreifði 350 g af ferskum jarðarberjum yfir …

_MG_0192

… og svo lagði ég hinn botninn ofan á.

_MG_0194

Og þá það sem fór ofan á tertuna: Ég bræddi 125 g af hvítu súkkulaði í vatnsbaði með svona 50 ml af rjóma og lét það kólna dálítið. Stífþeytti svo 250 ml af rjóma með 3 msk af Royal vanillubúðingsdufti og blandaðu hvíta súkkulaðinu saman við með sleikju.

Sumarterta (4)

Ég smurði svo rjómanum á efri botninn, raðaði 350 g af jarðarberjum ofan á og saxaði 25 g af hvítu súkkulaði og 25 g af pistasíum (en þeim má sleppa) og stráði yfir.

Sumarterta

*

 

 

Sannkölluð sumarterta (ef það skyldi nú koma)

Botninn

4 egg

125 g sykur

1 tsk vanilluessens

160 g hveiti

40 g kartöflumjöl

1 tsk lyftiduft

*

Á milli

200 g frosin jarðarber

400 ml rjómi

6 msk Royal jarðarberja- eða vanillubúðingsduft

350 g fersk jarðarber

*

Ofan á

 

150 g hvítt súkkulaði

300 ml rjómi

3 msk Royal vanillubúðingur

350 g fersk jarðarber

25 g pistasíuhnetur (má sleppa)

Auglýsingar

Færðu inn athugasemd

Skráðu umbeðnar upplýsingar að neðan eða smelltu á smámynd til að skrá þig inn:

WordPress.com Logo

You are commenting using your WordPress.com account. Log Out /  Breyta )

Google+ photo

You are commenting using your Google+ account. Log Out /  Breyta )

Twitter picture

You are commenting using your Twitter account. Log Out /  Breyta )

Facebook photo

You are commenting using your Facebook account. Log Out /  Breyta )

w

Tengist við %s