Rautt kjöt með grænni sósu

Það er orðið ansi langt síðan ég hef komið með kjötuppskrift og þess vegna er hér önnur uppskrift úr sama þætti og salatið sem ég setti inn  í gær. Þetta var hvorttveggja gert fyrir tveggja ára afmælisblað MAN 2015 og ég setti þá upp matarveislu – hér er semsagt aðalrétturinn, nautasteik með kryddjurtasósu. Svona fyrir þá sem ekki eru komnir með sous vide-græjur …

Þegar kjötstykki eru steikt með hefðbundinni aðferð er oft byrjað á að brúna þau á pönnu og svo eru þau kláruð í ofninum og síðan látin standa og jafna sig nokkra stund en hér er farin öfug leið – kjötið er fyrst steikt í ofni, svo látið bíða smástund og síðan brúnað. Þannig er auðveldara að fá kjötið jafnrautt í gegn og það má skera það um leið og það kemur af pönnunni.

_MG_7123

Ég var með tvær um 500 g sneiðar af nauta-ribeye en ef notaður er einn þykkari biti þarf kjötið lengri tíma í ofninum. Ég nuddaði kjötið með 1 msk af olíu, kryddaði það með 1 tsk  af sinnepsdufti (eða öðru kryddi eftir smekk), nýmöluðum pipar og salti og setti það í eldfast mót. Hitaði ofninn í 170°C.

Ég steikti kjötið í um 12 mínútur (lengur ef það er þykkara) eða þar til kjarnahitinn er 55°C, eða eftir smekk) Þá tók ég það út og lét það bíða í 10 mínútur.

_MG_7126

Á meðan sauð ég 200 g af sykurbaunum í saltvatni í 2 mínútur, eða samkvæmt leiðbeiningum á umbúðum ef notaðar eru frystar baunir. Skar 100 g af kirsiberjatómötum í helminga. Ég gerði líka kryddjurtasósu: maukaði saman 1/2 knippi af basilíku, 1/2 knippi af flatblaða steinselju, 1 hvítlauksgeira, 1 msk af nýkreistum sítrónusafa, pipar og salt og þeytti svo 125 ml af ólífuolíu saman við smátt og smátt. Smakkaði og bragðbætti eftir þörfum.

 

 

_MG_7125

Ég hitaði svo þykkbotna pönnu mjög vel, setti 1 msk af olíu á hana og brúnaði kjötið við háan hita í 1-2 mínútur á hvorri hlið. Skar það svo í sneiðar þvert á vöðvaþræðina.

Nautasteik með kryddjurtasósu (4)

Dreifðu sykurbaunum og kirsiberjatómötum á fat, leggðu kjötsneiðarnar ofan á og dreyptu dálítilli kryddjurtasósu yfir. Berðu afganginn af sósunni fram með kjötinu, ásamt hnúðkáls- og eplasalati og e.t.v. bökuðum kartöflubátum.

_MG_7174.jpg

Já, salatið: ég skar tvö rauð epli í fjórðunga, kjarnhreinsaði þau og skar þau í örþunnar sneiðar (notaði matvinnsluvél, það er fljótlegast). Setti sneiðarnar í skál ásamt safa úr 1 sítrónu og blandaði til að þekja eplasneiðarnar með safanum svo að þær yrðu ekki brúnar. Svo reif ég 500 g af hnúðkáli á grófu rifjárni og blandaði saman við eplin, ásamt dálítilli saxaðri steinselju, pipar og salti. Stráði 2 msk af grófsöxuðum pistasíuhnetum yfir.

Nautasteik með kryddjurtasósu (2)

*

Nautasteik með kryddjurtasósu

1 kg nauta-ribeye

2 msk olía

1 tsk sinnepsduft

nýmalaður pipar

salt

200 g sykurbaunir, ferskar eða frystar

100 g kirsiberjatómatar

*

Kryddjurtasósa

1/2 knippi basilíka

1/2 knippi flatblaða steinselja

1 hvítlauksgeiri

1 msk sítrónusafi

pipar

salt

125 ml ólífuolía

*

Hnúðkáls- og eplasalat

2 rauð epli

safi úr 1 sítrónu

500 g hnúðkál

3-4 msk söxuð steinselja

pipar

salt

2 msk pistasíuhnetur, grófsaxaðar (eða aðrar hnetur)

Auglýsingar

Færðu inn athugasemd

Skráðu umbeðnar upplýsingar að neðan eða smelltu á smámynd til að skrá þig inn:

WordPress.com Logo

You are commenting using your WordPress.com account. Log Out /  Breyta )

Google+ photo

You are commenting using your Google+ account. Log Out /  Breyta )

Twitter picture

You are commenting using your Twitter account. Log Out /  Breyta )

Facebook photo

You are commenting using your Facebook account. Log Out /  Breyta )

w

Tengist við %s