Kryddjurtir og kjúklingur

Ég nota ansi mikið af ferskum kryddjurtum, rækta þær í eldhúsglugganum á veturna og á svölunum á sumrin (jæja, sumar fara nú aldrei út) og kaupi býsna mikið af þeim líka. Og þá reyni ég auðvitað að láta þær ekki verða ónýtar og nota þess vegna enn meira af kryddjurtum fyrir vikið … En þær eru bara svo góðar (ókei, misjafnlega góðar kannski) og skreyta matinn oft svo mikið.

Hér kemur uppskrift að rétti sem er reyndar sumarréttur – eða ég gerði hann allavega í fyrrasumar þegar kryddjurtirnar mínar stóðu með miklum blóma – en ég hef gert svipað að vetri til líka þegar ég átti mikið af kryddjurtum sem ég þurfti að nýta.

Eiginlega áttu þetta að vera léttar samlokur, bara snarl, en þar sem heil kjúklingabringa (lítil að vísu) er sett á hverja bollu verður þetta fullkomin máltíð ef salat er borið fram með.

_MG_7493

Ég var með fjórar frekar litlar kjúklingabringur og byrjaði á að setja þær í eldfast mót (eða á disk). Svo tók ég litla lófafylli af fersku timjani, aðra af óreganói og svo eina af mintulaufi (það mætti líka nota aðrar kryddjurtir) og 2-3 hvítlauksgeira og saxaði þetta smátt.

_MG_7495

Svo blandaði ég þessu saman við fínrifinn börk af einni sítrónu, pipar og salt.

_MG_7497

Ég smurði svo helmingnum af maukinu vel á báðar hliðar á kjúklingabringunum en setti afganginn hliðar og þynnti með meiri olíu (þetta voru samtals 100 ml sem ég notaði). Láttu bringurnar standa í um hálftíma við stofuhita eða í kæli í allt að hálfan sólarhring.

_MG_7500

Ég grillaði svo bringurnar (það má líka steikja þær á grillpönnu eða bara venjulegri pönnu) þar til þær voru rétt steiktar í gegn.  Skar á meðan fjórar brauðbollur í tvennt og grillaðu þær þar til þær voru farnar að brúnast. Það má líka nota átta brauðsneiðar og grilla þær eða steikja á báðum hliðum.

Kryddjurtamaríneraður kjúklingur

Svo tók ég tvö lítil, vel þroskuð avókadó, flysjaði þau og og steinhreinsaði og skar þau í sneiðar. Setti bolluhelminga eða brauðsneiðar á diska eða fat og setti klettasalat og avókadó ofan á. Skar hverja kjúklingabringu í tvennt á þykktina og setti báða helmingana ofan á avókadóið. Svo setti ég 1 msk af kryddjurtamauki ofan á, lagði efri bolluhelminginn ofan á og skreytti með timjani (eða öðrum ferskum kryddjurtum).

Kryddjurtamaríneraður kjúklingur (5)

*

Bollur með kryddjurtamaríneruðum grilluðum kjúklingabringum

4 kjúklingabringur, litlar

lítil lófafylli af fersku timjani

lítil lófafylli af fersku óreganói

lítil lófafylli af ferskri mintu

2-3 hvítlauksgeirar

fínrifinn börkur af 1 sítrónu

pipar og salt

100 ml ólífuolía

4 brauðbollur (eða 8 sneiðar af góðu brauði)

2 lítil avókadó, vel þroskuð

klettasalat eða annað salat

Auglýsingar

Færðu inn athugasemd

Skráðu umbeðnar upplýsingar að neðan eða smelltu á smámynd til að skrá þig inn:

WordPress.com Logo

You are commenting using your WordPress.com account. Log Out /  Breyta )

Google+ photo

You are commenting using your Google+ account. Log Out /  Breyta )

Twitter picture

You are commenting using your Twitter account. Log Out /  Breyta )

Facebook photo

You are commenting using your Facebook account. Log Out /  Breyta )

w

Tengist við %s