Vor í lofti og salat í skál

Það er svolítið vor í lofti – hvort sem verður nú eitthvað úr því eða ekki – og mér datt í hug salat sem ég gerði upphaflega til að taka með sem nesti, t.d. í sumarbústaðinn; það er upplagt að útbúa það heima, það þolir ágætlega að geymast til næsta dags og gott ef það batnar ekki bara.

Þetta er kartöflusalat sem getur sem best verið máltíð í sjálfu sér en líka meðlæti með ýmsum réttum. Sleppa má chorizopylsunni til að gera salatið vegan og krydda þá salatið meira í staðinn. Í staðinn fyrir edamamebaunir má nota t.d. strengjabaunir og þá er nóg að skera þær í bita í stað þess að taka baunirnar úr belgjunum.

_MG_1670

Ég byrjaði á að láta baunirnar (200 g) þiðna og losaði þær svo úr belgjunum og setti í skál. Svo sauð ég 600-700 g af kartöflum þar til þær voru meyrar. Lét þær kólna í fáeinar mínútur og flysjaði þær svo og skar í stóra bita. Blandaði saman 3 msk af olíu, 1 1/2 msk af hvítvínsediki, 1 tsk af dijonsinnepi, pipar og salti saman í stórri skál og setti svo heitar kartöflurnar út í og velti þeim vel upp úr edikssósunni.

_MG_1668

Svo tók ég 100 g af chorizopylsu, skar hananiður og saxaði líka 2-3 vorlauka. Setti pylsuna á pönnu og hitaði þar til fitan fór að bráðna úr henni.

_MG_1669

Þá bætti ég vorlauknum og edamamebaununum á pönnuna og steikti í 3-4 mínútur; hrærði oft á meðan.

_MG_1671

Ég hellti svo pylsunum, lauknum og baununum yfir kartöflurnar, setti 100 g af blönduðum salatblöðum út í og blandaði öllu vel saman.

_MG_1681

*

Kartöflusalat með chorizo og baunum

200 g edamamebaunir

600-700 g kartöflur

3 msk olía

1 1/2 msk hvítvínsedik

1 tsk dijonsinnep

pipar og salt

100 g chorizopylsa eða önnur kryddpylsa

2-3 vorlaukar

100 g blönduð salatblöð

Auglýsingar

Færðu inn athugasemd

Skráðu umbeðnar upplýsingar að neðan eða smelltu á smámynd til að skrá þig inn:

WordPress.com Logo

You are commenting using your WordPress.com account. Log Out /  Breyta )

Google+ photo

You are commenting using your Google+ account. Log Out /  Breyta )

Twitter picture

You are commenting using your Twitter account. Log Out /  Breyta )

Facebook photo

You are commenting using your Facebook account. Log Out /  Breyta )

Tengist við %s