Búin að flytja … loksins

Sumarið fór mestallt í flutninga hjá mér og ég ákvað að láta bloggið alveg eiga sig á meðan. Nú er ég þó loksins alveg búin að tæma Grettisgötuna og hreiðra þokkalega vel um mig hér í Fossvoginum (nema hvað eldhúsið er reyndar í skralli því ég þarf að gera dálitlar breytingar á því og vantar iðnaðarmenn og svona, þetta hefst kannski einhverntíma fyrir jólin …) og lífið er smámsaman að færast yfir í nýja rútínu. En flutningarnir tóku sinn tíma vegna þess að ég á alveg ótrúlega mikið af dóti og bókum og …

Það breytist ýmislegt, ekki bara vegna þess að ég var að flytja úr 101 Reykjavík eftir 37 ár þar og nýja íbúðin er býsna ólík þeim sem ég hef áður búið í svo að ég ákvað að hugsa ýmislegt upp á nýtt, skipti út hluta af húsgögnunum, losaði mig við svona 15% af matreiðslubókasafninu og meirihluta af öðrum bókum (það er nóg eftir samt) og ýmislegt annað svo að þótt þessi íbúð sé heldur minni er rýmra um mig hér og allt svona heldur hægara og betra. Svo að ég er afskaplega ánægð með breytingarnar.

Ég hef svosem alveg eldað mat í sumar en ekki mikið verið að mynda hann eða skrifa niður, nema bara það sem ég hef verið að gera fyrir MAN eða annað slíkt. En það fer nú áreiðalega að breytast og ég á líka töluvert af óbirtum uppskriftum. Og hér er ein af þeim. Þetta er uppskrifti sem ég gerði fyrir júlíblað MAN, þar sem þemað var sumarsalöt og annað slíkt, sem hentaði til dæmis sem nesti í útilegu eða til að taka með eða elda í bústaðnum. En auðvitað henta þessir réttir hvar sem er og sumir eru ekkert endilega sumarréttir, til dæmis ekki þessi; pestóhrísgrjón með rækjum.

_MG_1489

Ég byrjaði á að setja knippi (bakka) af basilíku (nema ég tók nokkur frá til að skreyta), 30 g af valhnetum, 1 msk af nýkreistum sítrónusafa, 2 hvítlauksgeira, 30 g af nýrifnum parmesanosti, pipar og salt í matvinnsluvél og maukaði saman. Svo þeytti ég 3 msk af ólífuolíu og 4 msk af matarolíu smátt og smátt saman við. Það má líka nota aðeins meiri olíu ef maður vill hafa pestóið þynnra.

_MG_1491

Ég sauð svo 200 g af hrísgrjónum þar til þau voru meyr, setti þau í skál og hellti pestóinu yfir.

_MG_1492

Ég blandaði svo pestóinu  vel saman við heit hrísgrjónin og setti þau svo á fat.

_MG_1493

Þá var komið að rækjunum. Ég var með 500 g af hráum risarækjum í skel en það mætti líka nota smáan humar (og líka soðnar og pillaðar rækjur eins og ég sagði en þetta er miklu betra). Ef maður er með hráar en skelflettar rækjur þarf auðvitað heldur minna af þeim. En ég byrjaði semsagt á því að skelfletta rækjurnar og hreinsa þær.

_MG_1495

Svo fræhreinsaði ég eitt rautt chilialdin og saxaði það og saxaði líka einn vorlauk. Hitaði 1 msk af olíu á pönnu, setti rækjur, chili og vorlauk á hana, kryddasði með pipar og salti og steikti við háan hita í svona 3 mínútur, eða þar til rækjurnar höfðu breytt um lit; hrærði oft í á meðan.

 

_MG_1511

Ég dreifði svo rækjunum yfir hrísgrjónin, ásamt nokkrum basilíublöðum.

_MG_1560

Pestóhrísgrjón með rækjum

200 g hrísgrjón

salt

1 knippi basilíka

30 g valhnetur

1 msk sítrónusafi

2 hvítlauksgeirar

30 g parmesanostur

pipar og salt

3 msk ólífuolía

3 msk matarolía

*

500 g risarækjur, hráar, eða smár humar

1 chilialdin

1 vorlaukur

1 msk olía

pipar og salt

 

 

 

Auglýsingar

Færðu inn athugasemd

Skráðu umbeðnar upplýsingar að neðan eða smelltu á smámynd til að skrá þig inn:

WordPress.com Logo

You are commenting using your WordPress.com account. Log Out /  Breyta )

Google+ photo

You are commenting using your Google+ account. Log Out /  Breyta )

Twitter picture

You are commenting using your Twitter account. Log Out /  Breyta )

Facebook photo

You are commenting using your Facebook account. Log Out /  Breyta )

w

Tengist við %s