Vefjur í nestið

Er allt í einu komið haust? Allavega eitthvert hausthljóð í vindinn …  og svo eru skólarnir byrjaðir, hjá okkur á Forlaginu fara jólabækurnar í prentsmiðju ein af annarri og allt er einhvernveginn komið í haustgírinn.

Það verður kannski ekki farið í margar lautarferðir héðanaf en þessar frísklegu vefjur sem ég gerði fyrir júlíblað MAN, þar sem ég var með nestisþema, henta reyndar líka alveg sem nesti í vinnuna eða skólann – eða bara sem snarl við ýmis tækifæri. Þær eru svosem vissulega dálítið sumarlegar en svo má líka alveg skipta út melónum og mangói fyrir eitthvað annað. Til dæmis bara paprikuræmur og salatblöð, eða eitthvað ámóta.

Þessi uppskrift er miðuð  við svona 8 vefjur en það er mjög einfalt að gera bara eina eða tvær.

Allavega, þá byrjaði ég auðvitað á að taka rækjurnar úr frysti og láta þær þiðna alveg – þetta voru 500 g af meðalstórum rækjum.

_MG_5873

Ég setti svo 100 ml af majónesi (keyptu eða heimalöguðu – það var jú uppskrift hér í gær) , 1 tsk af dijonsinnepi og 1 tsk af karrídufti í skál.

_MG_5875

Hrærði þetta vel saman …

_MG_5878

… og bætti svo við 100 ml af sýrðum rjóma (fituprósenta eftir smekk) og hrærði þar til sósan var slétt. Kryddaði með dálitlum pipar og salti.

_MG_5880

Svo tók ég 8 hveititortillur, setti þær á vinnuborð og smurði sósunni fremur þykkt á þær, næstum út á brúnir.

_MG_5882

Svo var ég með fjórðung úr melónu (gulri, hunangs- eða cantaloupe, held að vatnsmelóna mundi alls ekki virka hér), eitt þroskað mangó og  hálfa litla gúrku. Afhýddi melónuna og mangóið og skar í þunnar sneiðar eða geira. Skar svo gúrkuna í 6-8 cm bita og hvern bita svo í stauta. Síðan lagði ég nokkar melónu- og mangósneiðar ásamt gúrkustautum í röð á miðjuna á hverri köku.

_MG_5883

Svo skipti ég rækjunum í átta hluta og dreifði þeim yfir ávextina og gúrkuna. Saxaði steinseljuknippi (flatblaða) og dreifði yfir.

_MG_5904

Ég vafði svo tortillakökurnar fremur þétt upp utan um fyllinguna, sem ég lét standa aðeins út úr endunum (ekki nauðsynlegt en lítur allavega flott út á mynd). Síðan vafði ég vaxpappír (eða bökunarpappír eða álpappír) utan um hverja vefju.

_MG_5927

Ef maður ætlar að bera þetta fram fyrir gesti, til dæmis, er flott að látan annan endann standa aðeins út úr pappírsvefjunni en brjóta svo pappírinn fyrir hinn endann til að loka honum. En ef þetta er haft með sem nesti er best að loka vefjuna alveg inni í pappír og losa hann svo bara frá öðrum endanum þegar á að borða vefjuna.

*

Rækjuvefjur með melónu, mangói og karrísinnepssósu

500 g rækjur

100 ml majónes

100 ml sýrður rjómi

1 tsk dijonsinnep

1 tsk karríduft

pipar

salt

8 tortillakökur

¼ melóna

1 mangó, vel þroskað

½ lítil gúrka

steinseljuknippi

 

Auglýsingar

Færðu inn athugasemd

Skráðu umbeðnar upplýsingar að neðan eða smelltu á smámynd til að skrá þig inn:

WordPress.com Logo

You are commenting using your WordPress.com account. Log Out / Breyta )

Twitter picture

You are commenting using your Twitter account. Log Out / Breyta )

Facebook photo

You are commenting using your Facebook account. Log Out / Breyta )

Google+ photo

You are commenting using your Google+ account. Log Out / Breyta )

Tengist við %s