Sex kaldar

Fyrst ég kláraði loksins lárperusilungstríóið – og setti inn uppskriftina að lárperumajónesinuy – er líklega kominn tími á þessa færslu hér, þar sem ég ætla að gefa uppskrift að tveimur köldum sósum og vísa á fjórar aðrar sem ég hef gefið uppskriftir að á undanförnum vikum – þetta eru semsagt sex kaldar sósur sem henta vel til dæmis með grillmatnum – já, við skulum gefa okkur að það verði grillveður, eða þá að fólk grilli nú samt – ég hef allavega fundið ansi mikla grilllykt undanfarin kvöld. En sósurnar henta líka í ýmislegt fleira, sem ídýfur með pinnamat, út á salöt, á snittur (eins og sást í gær) og sumar t.d. með steiktu kjöti eða kjúklingi, aðrar með fiski eða grænmeti.

IMG_4383

Þarna er semsagt jarðarberja-basilíksósa, sataysósa, gráðaostssósa, lárperumajónesið frá í gær, basilíkusósa og sinnepssósa.

IMG_4297

Fyrst er það jarðarberja-basilíkusósan.

 

Jarðarberja-basilíkusósa

100 g jarðarber

lófafylli af basilíkublöðum

1 msk balsamedik

2 msk ólífuolía

nýmalaður pipar

salt

Ég skar jarðarberin í bita, fjarlægði stilkana af basilíkunni og setti hvorttveggja í matvinnsluvél og maukaði gróft. Bætti balsamediki, ólífuolíu, pipar og salti út í og þeytti snöggt saman við. Vélin ætti þó ekki að ganga lengi, maukið á ekki að vera of slétt.

IMG_4488

Þessi sósa hentar til dæmis vel með grilluðu lamba- og svínakjöti og líka með laxi eða silungi. Svo má þynna hana dálítið með meiri olíu og ediki og nota út á salöt.

IMG_4401

Næst kemur sataysósan en uppskrift að henni er hér:

IMG_4412

 

Svo er það gráðaostssósan en uppskrift að henni var með jöklasalatsgeirunum.

IMG_4395

Og svo er það lárperumajónesið úr síðustu færslu.

IMG_4306

Uppskrift að basilíkusósunni var hins vegar ekki komin áður. Sósan minnir á pestó  en inniheldur þó hvorki hnetur né ost.

 

Basilíkusósa

væn lófafylli af basilíkublöðum

lófafylli af fjallasteinselju eða klettasalati

2 hvítlauksgeirar, saxaðir

¼ rauðlaukur, saxaður (má vera venjulegur)

½-1 tsk rautt chilialdin, saxað smátt

nýmalaður pipar

salt

1 msk nýkreistur sítrónusafi

100 ml ólífuolía

 

Ég setti basilíku, steinselju (mætti líka vera klettasalat), hvítlauk, rauðlauk og chili í matvinnsluvél og lét ganga þar til allt var saxað smátt. Kryddaði með pipar, salti og sítrónusafa og þeytti ólífuolíunni saman við smátt og smátt. Smakkaði svo og bragðbætti eftir þörfum.

IMG_4407

Þessa sósu má nota með ýmsum grillmat en líka út á pasta, kartöflur, salöt og ýmislegt grænmeti, eða sem ídýfu með pinnamat.

IMG_4417

 

Og að lokum er það svo túrmerik-sinnepssósan.

Þessi sósa er góð með grilluðum fiski og ýmsu kjöti, svo og sem ídýfa með grænmeti og pinnamat.

IMG_4423

 

Og hér eru þær svo allar aftur.

Auglýsingar

Færðu inn athugasemd

Skráðu umbeðnar upplýsingar að neðan eða smelltu á smámynd til að skrá þig inn:

WordPress.com Logo

You are commenting using your WordPress.com account. Log Out /  Breyta )

Google+ photo

You are commenting using your Google+ account. Log Out /  Breyta )

Twitter picture

You are commenting using your Twitter account. Log Out /  Breyta )

Facebook photo

You are commenting using your Facebook account. Log Out /  Breyta )

Tengist við %s