Kóreskt – eða ekki

Eitt af því sem ég elda iðulega þegar ég er í letikasti eru kjúklingavængir – þá velti ég þeim oftast bara upp úr vel kryddaðri hveitiblöndu, raða á plötu klædda bökunarpappír og baka í miðjum ofni við háan hita í 25-30 mínútur, snúið einu sinni. Gæti varla verið einfaldara.

En þegar ég er ekki alveg eins löt geri ég ýmislegt annað við vængina. Útbý til dæmis kóreska kjúklingavængi. Aðeins meiri fyrirhöfn en síður en svo flókið.

Kóreskir kjúklingavængir hafa verið vinsælir í Bandaríkjunum og víðar á síðustu arum.Þeir eru sérlega stökkir og knasandi og það er  yfirleitt vegna þess að þeir eru djúpsteiktir tvisvar, fyrst eldaðir til hálfs og svo kláraðir rétt áður en þeim er velt upp úr kryddaðri, sætri sósu og síðan bornir fram. Uppskrift að þessu má finna í bókinni Kjúklingaréttir Nönnu og hér er mynd:

Kryddaðir kóreskir vængir1

Reyndar er þetta ekkert sérlega kóreskt – allavega ekki sæta sósan – eða það sagði kórenski sjónvarpsmaðurinn sem heimsótti mig í fyrra mér. Það er nú kannski aukaatriði, þetta er fjári gott.

Ég held að uppskriftin sem hér kemur sé mögulega aðeins kóreskari (og þó kannski ekki) en hér er allavega farin  önnur leið til að fá vængina brakandi stökka og þeir eru alls ekki síðri – og auðvitað mun hollari. En það þarf að byrja undirbúninginn daginn áður og hafa pláss í ísskápnum.

Því miður eru engar myndir af undirbúningnum. Ég tók þær reyndar á sínum tíma (gerði þetta fyrir marsblað MAN) en þær hafa einhvernveginn farið forgörðum, ég finn þær allavega ekki núna.

En ég notaði einn bakka af kjúklingavægjum (10-12 stykki). Hjó þá ekki í sundur á liðamótum eins og ég geri nú oftast þegar ég elda kjúklingavængi, vildi frekar hafa þá heila – en það er allt í lagi að hluta þá sundur ef maður vill það heldur.

Ég byrjaði á (daginn áður semsagt) að setja 2 eggjahvítur, 1 tsk af matarsóda og 1 tsk af salti saman í skál og hræra þetta saman. Velti svo vængjunum vel upp úr blöndunni. Tók svo stórt, eldfast mót (má líka nota ofnskúffu), setti rist yfir það og raðaði vængjunum á ristina. Setti svo mótið með ristinni yfir í kæliskáp og lét standa og þorna til næsta dags. Ekki breiða yfir kjúklinginn, þá þornar hann ekki.

_MG_0969

Daginn eftir hitaði ég svo ofninn í 230°C. Setti mótið og ristina í miðjan ofninn og steikti vængina í 15 mínútur. Tólk þá út, sneri þeim og steikti áfram í 10 mínútur. Sneri þeim þá aftur og steikti í 10 mínútur í viðbót, eða þar til þeir voru orðnir fallega dökkgullinbrúnir.

_MG_0995

Á meðan vængirnir voru í ofninum útbjó ég sósuna. Ég hrærði saman 4 msk af tamari-sojasósu, 1 1/2 msk af hrísgjrónaediki, 1 msk af hunangi, 2 hvítlauksgeira, smátt saxaða, 1/4 tsk af chiliflögum (eða eftir smekk), 1 msk af smátt saxaðri engiferrót, 1 msk af sesamfræjum og grænu blöðin af 2 vorlaukum, þunnt sneiddum. Lét þetta svo standa á meðan vængirnir voru að klárast, eða allavega í nokkrar mínútur (má líka gera með góðum fyrirvara).
_MG_0963
Ef maður vill hafa vængina sjálfa vel kryddaða má líka taka þá út nokkrum mínútum fyrr, velta þeim upp úr sósunni, raða þeim aftur á ristina og steikja í nokkrar mínútur í viðbót. En ég bar þá nú bara fram með sósunni.
_MG_1000

 

Kóreskir kjúklingavængir

10−12 kjúklingavængir

2 eggjahvítur

1 tsk matarsódi

1 tsk salt

 

Sósa

4 msk tamari-sojasósa

1½ msk hrísgrjónaedik

1 msk hunang

2 hvítlauksgeirar, smátt saxaðir

¼ tsk chiliflögur, eða eftir smekk

1 msk engiferrót, smátt söxuð

1 msk sesamfræ

grænu blöðin af 2 vorlaukum, skorin í þunnar sneiðar

 

 

 

 

Auglýsingar

Færðu inn athugasemd

Skráðu umbeðnar upplýsingar að neðan eða smelltu á smámynd til að skrá þig inn:

WordPress.com Logo

You are commenting using your WordPress.com account. Log Out /  Breyta )

Google+ photo

You are commenting using your Google+ account. Log Out /  Breyta )

Twitter picture

You are commenting using your Twitter account. Log Out /  Breyta )

Facebook photo

You are commenting using your Facebook account. Log Out /  Breyta )

w

Tengist við %s