… og meira mauk

Eins og ég sagði í síðustu færslu gat ég ekki gert upp við mig hvað ég vildi fá oná brauðið mitt svo ég gerði tvenns konar góðgæti, fenniku-appelsínu-mustarðsmaukið og svo gerði ég rautt pestó með valhnetum; öllu venjulegra og líka fljótlegra því hér þarf náttúrlega ekkert að sjóða.

Ég hef gert svona mauk áður en notaði þá bara olíuna úr krukkunni með sólþurrkuðu tómötunum. Ég var ekki alveg nógu ánægð með það svo núna notaði ég góða ólífuolíu og það var mun betra.

Þetta pestó geymist allavega í nokkra daga í ísskápnum en það er gott að slétta yfirborðið alveg og hella þunnu lagi af ólífuolíu yfir, þá geymist það betur.

IMG_2495

Ég notaði það sem ég átti af sólþurrkuum tómötum í olíu (frá Jamie Oliver), þetta voru ein tólf stykki. Svo tók ég 50 g af valhnetum, eina sítrónu, rósmaríngrein, tvo hvítlauksgeira, salt, pipar og 4 msk af ólífuolíu.

IMG_2500

Ég byrjaði á að mala valhneturnar fremur fínt í matvinnsluvél. Svo setti ég tómatana út í, ásamt grófsöxuðum hvítlauksgeirum og rósmarínnálum. Reif börkinn af sítrónunni yfir, kreisti svona 1 msk af sítrónunni í skálina og kryddaði með pipar og salti. Lét svo vélina ganga þar til allt var orðið að mauki og skóf miður skálarbarmana með sleikju.

IMG_2502

Svo lét ég vélina ganga á meðan ég hellti ólífuolíunn út í í mjórri bunu. Smakkaði til að athuga hvort þyrfti meiri pipar, salt eða sítrónusafa (þess þurfti ekki).

IMG_2551

Þetta var alveg ágætis tómatpestó.

IMG_2535

Til dæmis á nýbökuðu brauði með hráskinku og basilíku.

IMG_2519

Alveg þokkalegasti kvöldmatur barasta.

Tómat- og valhnetupestó

10-12 sólþurrkaðir tómatar í olíu

50 g valhnetur

2 hvítlauksgeirar

1 rósmaríngrein

1 sítróna

pipar

salt

4 msk ólífuolía

Auglýsingar

Færðu inn athugasemd

Skráðu umbeðnar upplýsingar að neðan eða smelltu á smámynd til að skrá þig inn:

WordPress.com Logo

You are commenting using your WordPress.com account. Log Out / Breyta )

Twitter picture

You are commenting using your Twitter account. Log Out / Breyta )

Facebook photo

You are commenting using your Facebook account. Log Out / Breyta )

Google+ photo

You are commenting using your Google+ account. Log Out / Breyta )

Tengist við %s