Kjúklingur, núðlur og hnetusmjör

Ég ætla nú ekkert að koma með bolluuppskriftir núna, hef gert það áður og litlu við það að bæta. Nema jú, það er svolítill sykur í þessum uppskriftum en það má sko alveg sleppa honum … Ég ætla samt að vakna í fyrramálið og baka góðan slatta af bollum, bæði vatnsdeigs- og gerbollum; þó heldur færri en venjulega því að ég býst við að gestirnir í mínu árlega bollukaffi verði með færra móti. Sonurinn, sú öfluga bolluæta (sem á reyndar afmæli í dag) er úti í Cambridge að heimsækja konuna sína, dóttirin að vinna og ég veit ekki hverjir af yngri kynslóðinni láta sjá sig. En það verður allavega til nóg af bollum handa gestum og gangandi.

Ég ætla heldur ekki að vera með fiskuppskrift í þetta skipti þótt ég haldi mínu striki sjálf í fiskátinu; eldaði steikta bleikju með tagliatelle og kúrbíts-rjómasósu handa mér og dótturdótturinni. Sú uppskrift kemur örugglega seinna en ekki núna.

Nei, nú ætla ég að setja hér kjúklingauppskrift sem ég var reyndar með í janúarblaði MAN. Kjúklingur með hrísnúðlum og hnetusmjörssósu. Þetta er uppskrift fyrir fjóra.

_MG_4227

Ég byrjaði á að taka bakka af kjúklingalundum, svona 600-700 grömm, og krydda með pipar og salti. Svo hitaði ég 1 msk af olíu á pönnu og steikti kjúklinginn í 3-4 mínútur á hvorri hlið, eða þar til hann var rétt steiktur í gegn.

_MG_4231

Þá tók ég hann af pönnunni og skar hann (eða reift) í ræmur.

_MG_4228

Á meðan hafði ég soðið núðlurnar í saltvatni í 7 mínútur (eða eftir leiðbeiningum á umbúðum). Ég tók líka 150 g af gulrótum og skar í mjóar ræmur eftir endilöngu.

_MG_4229

Ég skar líka nokkra vorlauka og 10-15 cm bút af gúrku í ræmur og blandaði grænmetinu saman í skál.

_MG_4232

Þá var það sósan: ég setti 150 ml af hnetusmjöri, 2 msk af sojasósu, 3-4 cm bút af engifer,½ – 1 rautt chilialdin, fræhreinsað, 1 hvítlauksgeira og 3 msk af olíu í matvinnsluvél eða blandara og maukaði vel saman. Þynnti sósuna ögn með köldu vatni.

 

_MG_4233

 

Ég hellti núðlunum í sigti þegar þær voru soðnar og hvolfdu þeim svo í stóraiskál. Blandaði hnetusmjörssósunni saman við …

_MG_4260.JPG

… og síðan kjúklingnum og grænmetinu. Setti þetta á fat og stráði kryddjurtum yfir – það vildi svo til að ég átti vætukarsa en það má nota t.d. kóríanderlauf eða steinselju. Eða sleppa bara kryddjurtunum.

_MG_4243

Kjúklingasalat með hrísnúðlum og grænmeti

600-700 g kjúklingalundir (eða bringur, skornar í lengjur)

pipar

salt

4 msk olía

175 g hrísnúðlur

150 g gulrætur

3-4 vorlaukar

10-15 cm bútur af gúrku

150 ml hnetusmjör

2 msk sojasósa

3-4 cm bútur af engifer

½ – 1 rautt chilialdin, fræhreinsað

1 hvítlauksgeiri

svolítið vatn ef þarf

vætukarsi, kóríanderlauf eða steinselja

Auglýsingar

Færðu inn athugasemd

Skráðu umbeðnar upplýsingar að neðan eða smelltu á smámynd til að skrá þig inn:

WordPress.com Logo

You are commenting using your WordPress.com account. Log Out / Breyta )

Twitter picture

You are commenting using your Twitter account. Log Out / Breyta )

Facebook photo

You are commenting using your Facebook account. Log Out / Breyta )

Google+ photo

You are commenting using your Google+ account. Log Out / Breyta )

Tengist við %s